لو جاء يوم من الأيام وبغيت تسوي لعبة كيف تتوقع انك بتبدأ؟ الأغلب اول شيء بيجي في بالك انك تحتاج لغة برمجة وطبعا هذا أول شيء لازم تفكر فيه بس، في لغات برمجة كثيييرة وش بتختار منها؟ طبعا تعتمد لغة البرمجة الي بتختارها على المشروع اللي بتسويه وعوامل ثانية؛ فمثلا أبسط حاجة بتجي في بالك هي اللعبة كيف بيكون منظورها؟ 3D او 2D .
حلو، خلنا نقول انك اخترت منظور لعبتك وتعلمت لغة البرمجة فمثلا نقول ++C الحين انت جاهز صح؟ صدقني انك ابعد من انك بتكون جاهز لأنه هل نسيت اني اقولك عن الرياضيات والفيزياء؟ الأغلب انك فقدت الأمل بس بس بس احتاجك تقوي قلبك لأنه ما يحتاج انك تتخصص في الفيزياء او الرياضيات انت تحتاج بس أشياء أساسية منها؛ فمثلا كيف تبغا تسوي بيئة اللعبة مثل: المباني، او الجبال، او تضاريس الأرض وانت ما تعرف أشياء أساسية في الهندسة؟! ولا كيف تبغا تحط الجاذبية في اللعبة وانت ما تعرف عن قانون الجاذبية وصدقني ما أتوقع انك تبغا اللاعب يطلع من الشاشة لما ينقز.
يعجبني الإصرار اللي فيك، تعلمت لغة البرمجة، تعلمت الفيزياء والرياضيات هل في شيء ثاني؟! الصراحة في شيء أخير أتوقع ألا وهو رسومات الحاسوب (Computer Graphics) لأنه بدونها ما راح يكون هناك انوار ولا الوان ولا حتى اهم شيء وهو اللاعب!! لأنه خلنا نقول هي بسببها تشوف كل شيء في اللعبة من الظلال وتحركات الاعب وكل شيء، يعني هي الي تولد الصور والفن بمساعدة الكمبيوتر.
مجال برمجة الألعاب ابدا ما هي سهلة واذا كنت بتطور لعبة كاملة متكاملة الأغلب انك بتأخذ كم سنة عشان تخلصها بأكمل وجه بذات اذا كانت اول لعبة لك. بس لو قلت لك ان في احد يمديه يساعدك في كل شيء تحتاجه في تطوير لعبتك من معادلات رياضية، او فيزيائية، او في تصميم منظار اللعبة وبيئتها وفي كل شيء انت تتمناه! وش يعني هذا ؟يعني بدال ما تخلص اللعبة بسنتين ممكن تقدر تخلصها بسنة!! مين هذا الشخص؟ هذا الشخص هو محرك الألعاب.
إليك أشهر محركات الألعاب
- 1- Unreal Engine محرك ألعاب قوي للألعاب التي تعمل على عتاد قوي مثل ألعاب الـ PC.
- 2- Unity من أكثر محركات الألعاب شعبية ومفضل للأجهزة المحمولة ذات العتاد المتوسط.
- 3- Godot Engine محرك ألعاب مفتوح المصدر بعدد مناسب من المميزات يمتاز بسهولة التعامل معه.
The standard library saves programmers from having to reinvent the wheel.
— Bjarne Stroustrup
المصادر
- https://en.wikipedia.org/wiki/Computer_graphics
- https://www.youtube.com/watch?v=U9vqzH65Zzw
- https://roadmap.sh/game-developer
- https://www.youtube.com/watch?v=dooxkOMZx-o
- https://www.youtube.com/watch?v=796EI0juo1E
- https://www.youtube.com/watch?v=f6nGLOMZ_l4&t=19s
- https://www.codecademy.com/resources/blog/how-to-get-into-game-development/
- https://www.youtube.com/watch?v=TOgC7GYA5bE
